АЖӘАБЖЬҚӘА
Иахьа Шьалуа Ҷыф-иҧа Гыцба 89 шықәса ихыҵуан
04 Мшаҧы 2025
Иахьа, мшаԥы 3, 89 шықәса ихыҵуан Аҧсны Жәлар рартист, Ахьӡ-аҧша аорден II-тәи аҩаӡара занашьаз Шьалуа Ҷыф-иҧа Гыцба.
Иахьа 70 шықәса ихыҵит актиор Ҭемраз Чамагәуа
30 Хәажәкыр 2025
Иахьа 70 шықәса ихыҵит Аԥсни Адыгатәылеи зыҽрыԥсазтәыз артист, «Ахьӡ-Аԥша» аорден III аҩаӡареи «Агәымшәараз» амедали занашьоу, Аԥсуа ҳәынҭқарратә драматә театр актиор Ҭемраз Чамагәуа. 49 шықәса инеиԥынкыланы Ҭемраз Расим-иԥа ҳмилаҭтә культура амаҵ азиуеит – аҟазара злоу актиор ишиаҭәоу еиԥш, ааԥсара ҟамҵакәа, аспектакльқәа рҿы арольқәа наигӡоит.
"Адгьыл аҵаҿ ааԥынтәи асимфониа" захьӡу аклассикатә музыка аконцерт еиҿкаахоит Аҳәса жәларбжьаратәи рымшныҳәа аҽны Афонҿыцтәи аҳаԥаҟны. Ари ақәгылара абжьааԥнытәи аконцертқәа излареиԥшым, апрограмма шышьақәгылоу, иарбан гәалаҟароу ари ақәгылара аҭааҩцәа ирнаҭар алшо, амузыка ауаҩы иԥсҭазаара ишаныруа уҳәа ртәы арадио Sputnik аефир аҟны дрылацәажәеит аконцерт иалахәу Аԥснытәи аҳәынҭқарратә филармониа артист, аоператә шәаҳәаҩы Алхас Ферзба.
Гәдоуҭатәи жәлар рыкәашаратә ансамбль "Шьардаа" Шәача имҩаԥысуаз афестиваль иалауреатхеит
27 Хәажәкыр 2025
Гәдоуҭатәи жәлар рыкәашаратә ансамбль "Шьардаа" Шәача имҩаԥысуаз афестиваль-еицлабра "Ахатә стиль" иалауреатхеит.
Динара Смыр атеатр аусзуҩцәа рымш рыдылныҳәалеит
27 Хәажәкыр 2025
Аԥсны Аҳәынҭқарра акультура аминистр инапынҵақәа назыгӡо Динара Смыр атеатр аусзуҩцәа рымш рыдылныҳәалеит.
Ашықәсҿыцазтәи аныҳәатә концерт
23 Ԥхынкәын 2024
Ԥхынҷкәын 27 рзы Р. Џь. Гәымба ихьӡ зху Аԥснытәи аҳәынҭқарратә филармониаҟны имҩаԥысуеит аҟазаратә коллективқәеи аԥсуа естрадатә шәаҳәаҩцәеи злахәу ашықәсҿыцазтәи аныҳәатә концерт. Иалагоит асааҭ 18.00 рзы. Аҩналара хәыда-ԥсадоуп.
Аҧсны Жәлар рпоет Дырмит Гәлиа диижьҭеи 150 шықәса аҵра иазку аныҳәатә усмҩаҧгатәқәа
11 Ԥхынкәын 2024
Ԥхынҷкәын 17 рзы имҩаԥысуеит Аҧсуа литература ашьаҭаркҩы, Аҧсны Жәлар рпоет, аҵарауаҩ арккаҩ ду Дырмит Гәлиа диижьҭеи 150 шықәса аҵра иазку аныҳәатә усмҩаҧгатәқәа. Аусмҩаԥгатәқәа рыпрограмма 10.00 – Д. И. Гәлиа ибаҟа аҿаҧхьа ашәҭқәа рышьҭаҵара; 11.00 – Д. И. Гәлиа ихьӡ зху Аҧсуаҭҵааратә институт ахыбраҿ апоет ибаҟа аартра; 11.30 – Аҧсуаҭҵаартә институт…
Иԥсҭазаара далҵит Аԥсны жәлар рпоет Мушьни Лашәриа
27 Цәыббра 2024
Аԥсны Аҳәынҭқарра Акультура Аминистрра гәалсра дула ирыдышшылоит зыԥсҭазаара иалҵыз Мушьни Таииа-иԥа Лашәриа иуацәеи иҭынхацәеи.
РУСДРАМ алахәхоит Иошкар-Ола имҩаԥгахо атеатралтә фестиваль
28 Нанҳәа 2024
РУСДРАМ алахәхоит Иошкар-Ола имҩаԥгахо Урыстәылеи аҳәаанырцәтәылақәеи рҟынтәи аурыс театрқәа Жәларбжьаратәи рфестиваль «Аиҩызара ацҳа».
Бедиа аныхабаа аҟны ихыркәшоуп Хьыбла Гьерзмааԥҳаи «Ахортә шәаҳәара азҟазацәеи» рконцерт
20 Нанҳәа 2024
Бедиатәи аныхабаа аҟны раԥхьатәи аконцерт хыркәшахеит Хьыбла Гьерзмааԥҳа иналыгӡаз, еицырдыруа асоветтә композициа амотив иалхны «Бедиатәи ахәылԥазқәа» ала.
Абираҟ Амш
24 Ԥхынгәы 2024
Ԥхынгәы 23 рзы Амҳаџьыраа рыԥшаҳәаҿы Сегреи Багаԥшь ихьӡ зху ашҭаҟынтә С. И. Ҷанба ихьӡ зху Аԥсуа драматә театр ашҭаҟынӡа Аԥсны Атәылахьчара Аминистрра иатәу аоркестр рыцны ажәлар рымҩасра мҩаԥысит.
Раԥхьатәи аконцерт мҩаԥысит ԥхынгәы 15 рзы Аҟәа, Аԥсуа драматә театр ашҭаҿы. Аԥсны аҩбатәи ахада Сергеи Багаԥшь диижьҭеи 75 шықәса аҵра иазкны иқәгылеит Хьыбла Гьерзмааԥҳаи, Мариинтәи атеатр асолистцәеи, асимфониатә оркестри, урҭ напхгара риҭон Атеатр ду адирижиор Антон Гришанин.
Аамҭала Акультура аминистр инапынҵақәа назыгӡо Д. Смыр ансамбль «Риҵа» риубилеи рыдылныҳәалеит
12 Ԥхынгәы 2024
Адныҳәаларҿы иаҳәоит:
Аамҭала акультура аминистр инапынҵақәа назыгӡо Динара Смыр Сира Аҩӡԥҳа лиубилеи лыдылныҳәалеит
10 Ԥхынгәы 2024
Адныҳәалараҿы иаҳәоит:
Апрограммаҟны иҟоуп хә-концертк: Ԥхынгәы 15 рзы Аҟәа, Атеатр ашҭаҿы Аԥсны аҩбатәи ахада Сергеи Багаԥшь диижьҭеи 75 шықәса аҵра иазкны иқәгылоит Хьыбла Гьерзмааԥҳаи, Маритәи атеатр асолистцәеи, асимфониатә оркестри, адирижиор, Урыстәыла жәлар рартист Валери Гергиеви.
Алиса Гыцԥҳа ахԥатәи Жәларбжьаратәи лмузыкатә еицлабрахь азыҳәақәа рыдкылара иалагеит
03 Ԥхынгәы 2024
Цәыббра 30 рҟынӡа имҩаԥысраны иҟоу Алиса Гыцԥҳа ахԥатәи Жәларбжьаратәи лмузыкатә еицлабрахь азыҳәақәа рыдкылара иалагеит.
«Зхәышҭаарамца еиқәу»: ансамбль «Афырҭын» иазкны
30 Рашәара 2024
1985 шықәса инаркны Аԥсны Аџьынџьтәылатәи аибашьра иалагаанӡа, Гагра араион Асовет Еидгылеи Аҳәаанырцәи иӡырызгоз ансмабль «Афырҭын» иахьагьы ашьаҭа ӷәӷәаны, хьӡи-ԥшеи аманы ԥхьаҟа иргоит ҩыџьа аиҩызцәа Мураҭ Қриеи Алиас Барцыци.
Аусмҩаԥгатә иалахәын еицырдыруа апоетцәа Гәында Кәыҵниаԥҳа, Гәында Сақаниаԥҳа, Анатоли Лагәлаа, беиԥарала урҭ иреиҵбацәоу алаф азҟазацәа Алхас Чхамалиеи Адамыр Гәынбеи.
Фазиль Искандер диижьҭеи 95 шықәса аҵра азгәарҭеит Иван Папасқьыр ихьӡ зху абиблиотекаҿы
29 Лаҵара 2024
Еизаз ирзеиҭаҳәан Искандер иԥсҭазаареи ирҿиареи ртәы, аҳҭнықалақь аҩбатәии ахԥатәии ашколқәа рҵаҩцәа ашәҟәыҩҩы ирҿиамҭақәа рцыԥҵәахақәа ирыԥхьеит, Чик изку ажәабжьқәа рмотивқәа рыла атеатртә сценақәа ықәдыргылеит.
Гәлиа иеиҭагамҭоу Евангелие ахкьыԥхьаақәа хԥа ашәҟәыҩҩы диижьҭеи 150 шықәса аҵра аҳаҭыраз иҭрыжьраны иҟоуп.
Уасил Царгәыш ихьӡ зху Аҳәынҭансамбль Ориол имҩаԥысуа жәлар рҟазара афестиваль иалахәхоит
23 Лаҵара 2024
Уасил Царгәыш ихьӡ зху Аԥсны Зҽаԥсазтәыз жәлар рашәаҳәареи рыкәашареи Аҳәынҭқарратә ансамбль раԥхьаӡа акәны иалахәхоит Ориол ақалақь аҿы имҩаԥысуа Аиашахаҵаратә культуреи ажәлар рҟазареи VII Жәларбжьаратәи афестиваль.
Маи 18 – Амузеиқәа Жәларбжьаратәи рымш
18 Лаҵара 2024
Ҳаҭыр зқәу амузеи аусзуҩцәа! Гәык-ԥсыкала ишәыдаҳныҳәалоит шәзанааҭ аныҳәа – Амузеиқәа жәларбжьаратәи рымш! Иҭабуп ҳәа шәаҳҳәоит аџьабаа зцу шәусуразы, ҳҵасқәа шәрыцәхьамҵо, ҳҳәынҭқарра акультуратә ҭынха шәеиҷаҳаны иахышәыхьчо азы.
Аԥсны акультура аминистрреи Гәылиа илитература-мемориалтә музеии имҩаԥыргоит Дырмит Гәлиа диижьҭеи 150 шықәса аҵра азгәаҭара иазку апроект.
200 нызқь мааҭ рҟынӡа ишьҭыхуп алитературеи, аҟазареи, архитектуреи рзы Дырмит Гәлиа ихьӡ зху Аҳәынҭқарратә премиа азы аԥаратә ҳамҭа.
АМИНИСТРРАЗЫ
Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп.