АЖӘАБЖЬҚӘА
«Ақыҭа – ҳара ҳԥеиԥш»
25 Нанҳәа 2022
Аԥсны Акультура аминистрреи Аҟәа ақалақь ахадара акультура аусбарҭеи ихацдыркит апроеқт ҿыц «Ақыҭа – ҳара ҳԥеиԥш». Апроеқт хықәкыс иамоуп аԥсуа доуҳатә культура ақыҭақәа рҟны аларҵәара, ақыҭақәа ҳреспубликаҟны имҩаԥысуа акультуратә ԥсҭазаара ралархәра, ауааԥсыра ргәалаҟазаара ашьҭхра. Ари апроект аҳәаақәа ирҭагӡаны, нанҳәа 24 аҽны Акәасқьа ақыҭан еиҿкаан раԥхьатәи аконцерт, аԥсуа аестрадатә, аопреатә шәаҳәаҩцәа алархәны.…
Аскульптор, асахьаҭыхҩы, А. Чачба ихьӡ зху Аҟәатәи асахьаҭыхратә ҵараиурҭа аиҳабы Амиран Адлеиба 70 шықәса ихыҵит
05 Нанҳәа 2022
Аԥсны акультура аминистр Даур Ақаҩба Амиран Адлеиба ииубилеи идиныҳәалеит. Адныҳәалараҿы иаҳәоит:
Т. Шь. Аџьба ихьӡ зху ахәыҷқәеи ақәыԥшцәеи ирызку аҳәынҭқарратә литературатә премиа анашьаразы арзаҳалқәа ралаҵара аҿҳәара хыркәшоуп
03 Нанҳәа 2022
Т. Шь. Аџьба ихьӡ зху ахәыҷқәеи ақәыԥшцәеи ирызку аҳәынҭқарратә литературатә премиа аԥҵаҩыс иҟоуп Аԥсны Аҳәынҭқарра Акультура Аминистрра, имҩаԥгахоит хы-шықәса рахьынтә знык.
Аԥсны иҟоу Урыстәыла ацҳаражәҳәаҩ Михаил Шургалин атәыла акультура аминистр Даур Ақаҩба Урыстәыла ААР иатәу агәшԥтәы дырга «Аусеицуразы» ианеишьеит.
Иахьа иԥсы ҭазҭгьы Шьалодиа Аџьынџьал ихыҵуан 90 шықәса
01 Нанҳәа 2022
Иахьа иԥсы ҭазҭгьы ашәҟәыҩҩы, апублицист, ауаажәларратә усзуҩы, Аԥсны акультура зҽаԥсазтәыз аусзуҩы Шьалодиа Михаил-иԥа Аџьынџьал ихыҵуан 90 шықәса
Аԥсны Аҳәынҭқарра акультура аминистр Даур Ақаҩба Аԥсны Аҳәынҭқарра Аминистрцәа реилазаара аппарат анапхгаҩы ихаҭыԥуаҩ, Аԥсны зҽаԥсазтәыз артист Зураб Маршьан ииубилеи идиныҳәалеит. Адныҳәалараҿы, иара убас иаҳәоит: «Аԥсны Аҳәынҭқарра Акультура аминистрра ахьӡ алеи, хаҭала сара сҟынтәи 70 шықәса шәхыҵра аиубилеи шәыдаҳныҳәалоит! Шәыкәашаратә ҟазара акыр шықәса рыҩнуҵҟа жәлар рыкәашара Аҳәынҭқарратә ансамбль «Шьараҭын» аколлективи Аԥсны…
Жәларбжьаратәи аоператә фестиваль «Opera Viva» хыркәшоуп Пицунда
08 Ԥхынгәы 2022
II Жәларбжьаратәи аоператә фестиваль ахыркәшаратә концерт мҩаԥган Пицундатәи ауахәамаҿы, абри атәы Sputnik иазеиҭалҳәеит уи адиректор Гәында Агрба.
Даур Ақаҩбеи Лиубана Мушавехи аҳәынҭқаррабжьаратә еимадара рыбжьаҵаразы азҵаарақәа ирылацәажәеит
06 Ԥхынгәы 2022
Ԥхынгәы 6 аҽны аплатформа Zoom ацхыраарала имҩаԥысит Аԥсны Акультура аминистр Даур Ақаҩбеи Сириатәи Арабтәи Ареспублика Акультура аминистр Лиубана Мушавехи злахәыз авидеоконференциа.
Даур Ақаҩба Аҧсуа ҳәынҭқарратә аҿар ртеатр даҭааит
04 Ԥхынгәы 2022
Иахьа Аҧсны Акультура аминстр Даур Ақаҩба усутә визитла даҭааит Аҧсуа ҳәынҭқарратә аҿар ртеатр.
Ахьтәи араӡныи медалқәа рыла ашколқәа ирылгаз аушьҭымҭацәа иранашьоуп асертификат ҷыда
04 Ԥхынгәы 2022
Аҧсны Аҳәынҭқарра акультура аминистрреи С.Ҷанба ихьӡ зху Аҧсуа ҳәынҭқарратә театр анапхгареи раҧшьгарала ахьтәи араӡныи медалқәа рыла ашколқәа ирылгаз аушьҭымҭацәа иранашьоуп асертификат ҷыда.
Нестор Лакоба имузеи аиҭашьақәыргылара хара имгакәа иалагоит
01 Ԥхынгәы 2022
Нестор Лакоба имузеи аиҭашьақәыргылара хара имгакәа иалагоит ҳәа азгәаҭоуп, абри азы аҳәамҭа ҟаиҵеит Акультура аминистр Даур Ақаҩба Аиҳабыра реилатәараҿы.
Рауф Лакоба изку ацәыргақәҵа аатит Аҟәа
29 Рашәара 2022
Рауф Лакоба Аԥсны иналукааша аполитикатә усзуҩ Нестор Лакоба диԥан. Иаб данҭадырха ашьҭахь дырбаандаҩын.
Амузыкатә фестиваль «Opera Viva» мҩаԥгахоит Аҟәа
29 Рашәара 2022
Афестиваль мҩаԥгахоит Аҟәеи Пицундеи аԥснытәии урыстәылатәии амузыкарҳәаҩцәа алархәны.
Рауф Лакоба изку ацәыргақәҵа ҟалоит Аҟәа
23 Рашәара 2022
Рауф Лакоба Аԥсны иналукааша аполитикатә усзуҩ Нестор Лакоба диԥан. Иаб данҭадырха ашьҭахь дырбаандаҩын.
«Амузыкатә абонемент»
20 Рашәара 2022
Ҳаҭыр зқәу аҩызцәа! А. Чычба ихьӡ зху Аҟәатәи аҳәынҭқарратә музыкатә ҵарауирҭа, акыр аамҭа аиԥҟьара ашьҭахь, ахәыҷқәеи ақәыԥшқәа рзы еиҿкаау арҵаратә программа «Амузыкатә абонемент» еиҭахацнаркит.
Министр культуры Республики Абхазия Даур Кове провёл рабочее совещание с руководителями подведомственных учреждений культуры.
Усутә ныҟәарыла Ҟрымҟа ицаз аԥсуа делегациа аилазаараҿы иҟоу Аԥсны Акультура аминистр Даур Ақаҩба ихы алаирхәит Ажәытәӡатәи аамҭақәа ирҭынхаз ақалақьқәа реидгыла алахәылацәа реизара.
Даур Ақаҩбеи Викториа Лапинеи русбарҭақәа русеицура иалацәажәеит
07 Рашәара 2022
Аԥсны Аҳәынҭқарра Акультура аминистр Даур Ақаҩба усуратә ныҟәарала Краснодартәи атәылаҿацә даҭааит. Иныҟәара аҳәаақәа ирҭагӡаны Даур Ақаҩба дылԥылеит Краснодартәи атәылаҿацә Акультура аминистр Викториа Лапина.
Џьгьарда ақыҭан имҩаԥысит «Алаф ашҭа»
03 Рашәара 2022
Рашәара мза 2 рзы Џьгьарда ақыҭа Акультура аҩнаҟны имҩаԥысит «Алаф ашҭа» захьӡу ахәылԥаз.
Аԥсны Акультура аминистр Даур Ақаҩба ихантәаҩрала имҩаԥысит Амонументалтә ҟазаразы Аҳәынҭқарратә комиссиа аилатәара. Ааигәа имҩаԥган иаарту жәларбжьаратәи аинҭадларақәа ихьыԥшыму аԥсуа ҳәынҭқарра ашьаҭаркҩы, Аԥсны Аҳәынҭқарра Раԥхьатәи Ахада В. Г. Арӡынба ибаҟеи Аԥсны Аҳәынҭқарра Аҩбатәи Ахада С. У. Багаԥшь ибаҟеи иреиӷьу апроектқәа ралхразы. Аилатәараҟны иалацәажәеит арҭ аиндаҭларақәа рлыҵшәақәа. Иара убас ирылацәажәеит имҩаԥыргарц аиндаҭларақәа:…
Афырҭын" 20 шықәса: аныҳәатә концерт
28 Лаҵара 2022
"Афырҭын" 20 шықәса ахыҵра иазкыз аныҳәатә концерт мҩаԥган Ражден Гәымба ихьӡ зхәу аҳәынҭқарратә филармониаҿы, лаҵара 26 рзы.
Аԥсны Аҳәынҭқарра Акультура аминистр Даур Ақаҩба Аԥснытәи аҳәынҭқарратә университет аҭоурыхтә факультет адекан, адоцент, аҭоурыхтә ҭҵаарадыррақәа ркандидат Алик Габелиа ииубилеи идиныҳәалеит.
Леуарсан Касланӡиа дахьынхоз аҩнаҿы амемориалтә ҭӡы кыдырҵеит
01 Рашәара 2022
Аԥсны Жәлар рартист, еицырдыруа ауаажәларратә усзуҩы Леуарсан Касланӡиа (25.05.1912 – 30.08.1996) дахьынхоз аҩнаҟны (Воронов им., 8) аџьазтә барелиеф зну амемориалтә ҭӡы кыдырҵеит актиор иҭаацәа раԥшьгарала.
РУСДРАМ ииун мзазы агастрольқәа хацнаркуеит
25 Лаҵара 2022
Ииун 10 инаркны 20-нӡа Фазиль Искандер ихьӡ зху Аҳәынҭқарратә аурыс драматә театр ихацнаркуеит агастроль дуқәа Урыстәылатәи Афедерациа ақалақьқәа рышҟа.
АМИНИСТРРАЗЫ
Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп.